ඔස්ට්‍රේලියානු ඉතිහාසය තුළ මෙතෙක් පැවති විශාලතම ඡන්ද දායක සහභාගීත්වයෙන් යුත් ෆෙඩරල් මැතිවරණය මෙවර පැවැත්වෙනවා.
2022 වර්ෂයට සාපේක්ෂව මෙවර ඡන්ද හිමි නාමලේඛණයේ 710,000 ක පමණ වැඩි ඡන්ද දායකයන් සංඛ්‍යාවක් සිටින බවයි ඔස්ට්‍රේලියානු මැතිවරණ කොමිසම පෙන්වා දෙන්නේ.
ඒ අනුව වයස අවුරුදු 18 සම්පූර්ණ වූ ඔස්ට්‍රේලියානු පුරවැසියන්ට ලබන අප්‍රේල් මස 04 වනදා රාත්‍රී 8.00 ට පෙර මැතිවරණය සදහා ඡන්දය භාවිතා කිරීම වෙනුවෙන් ලියාපදිංචි විය හැකියි.
එලෙස ලියාපදිංචි වී ඡන්දය භාවිත නොකරන ඔස්ට්‍රේලියානුවන්ට ඩොලර් 20 ක දඩයකට යටත් වීමට ද සිදු වනවා.
මෙවර මැතිවරණය සදහා ඡන්ද දායකයන් ලියාපදිංචි වීම ඉහළ අගයක පැවතීම සුභදායක කරුණක් බවයි ඔස්ට්‍රේලියා මැතිවරණ කොමිසමේ ප්‍රකාශක ඇලෙක්ස් මොරිස් වැඩිදුරටත් අවධාරණය කළේ.
