පසුගිය වර්ෂයේ ඔස්ට්‍රේලියාවේ පෙරපාසල් අධ්‍යාපනය සම්බන්ධ තොරතුරු ඇතුලත් නවතම දත්ත වාර්තාවක් නිකුත් වී තිබෙනවා.
මෙම දත්ත වාර්තාව නිකුත් කර ඇත්තේ ඔස්ට්‍රේලියා සංඛ්‍යාලේඛන කාර්යංශය විසිනුයි.
ඒ අනුව 2024 වසරේදී පෙරපාසල් සඳහා ඇතුලත් කරන ලද වයස අවුරුදු 04 ත් 05 ත් අතර වයස් කාණ්ඩවල පසුවන දරුවන්ගේ සංඛ්‍යාව 341,568 ක් වනවා.
එය 2023 වර්ෂයට සාපේක්ෂව සියයට 1.3 ක වැඩි වීමක් බවයි මෙම දත්ත වාර්තාව ඔස්සේ අනාවරණය වී ඇත්තේ.
පෙරපාසල් සදහා ඇතුලත් කරන ලද දරුවන්ගෙන් සියයට 80 ක් පමණ වයස අවුරුදු 04 ක දරුවන් වීමද විශේෂත්වයක්.
