ලබන වර්ෂයේ ජූලි මස 01 වනදා සිට ක්‍රියාත්මක වන බදු කප්පාදුව මත පදනම්ව ඔස්ට්‍රේලියානුවන්ට සහන ලැබෙන ක්ෂේත්‍ර පිළිබඳව දැනුම්දීමක් සිදුකර තිබෙනවා.
ඒ හරහා සාමන්‍ය වශයෙන් බදු ගෙවන පුද්ගලයෙකුට වසරකට ඩොලර් 268 ක මුදලක් ඉතිරි කරගත හැකි වනු ඇති.
අදාළ සංශෝධන හරහා ඔස්ට්‍රේලියානුවන්ට සතියකට ඩොලර් 05 ක මුදලක් ද ඉතිරි කර ගැනීමට අවස්ථාව ඉදිරියේදී හිමි වනවා.
මෑත කාලයේදී නිකුත් වූ සංඛ්‍යාලේඛනවලට අනුව සාමාන්‍ය ඔස්ට්‍රේලියානු පවුලක් සතියකට සිල්ලර භාණ්ඩ සඳහා ඩොලර් 213.64 ක මුදලක් වැය කරන බවටයි අනාවරණය වී ඇත්තේ.
Kantar දත්‍ත වාර්තා හරහා පෙන්වා දී ඇත්තේ Netflix, Stan, Disney + සහ Apple TV වැනි Streaming සේවා සදහා ඔස්ට්‍රේලියානු පවුලක් ආසන්න වශයෙන් මාසිකව ඩොලර් 50 ක මුදලක් වැය කරනු ලබන බවයි.
මෙම ක්ෂේත්‍ර සදහා මෙන්ම බලශක්ති බිල්පත්, ප්‍රවාහනය සහ සංචාරක රක්ෂණ ඇතුලු ක්ෂේත්‍ර රැසකටම ඉදිරියේදී සහන හිමි වනු ඇති බවයි වැඩිදුරටත් සඳහන් වන්නේ.
