වික්ටෝරියාවේ දුම්කොළ ව්‍යාපාරවල බලපත්‍ර ගාස්තු අඩුකරන්නැයි වෙළෙන්දන් රජයෙන් ඉල්ලීමක් කරනවා.
සෞඛ්‍ය අමාත්‍ය Mary-Anne Thomas පසුගියදා කියාසිටියේ වික්ටෝරියාවේ දුම්වැටි වෙළඳසැලක් සඳහා ඩොලර් 1100 ත් 1490 ත් අතර අයදුම්පත් සහ වාර්ෂික අලුත් කිරීමේ ගාස්තු අයකරන බවයි.
පසුගිය අයවැයෙන් නීති විරෝධී ලාභදායී දුම්වැටි මැඩලීම් වෙනුවෙන් දුම්වැටි සඳහා වන බද්ද අඩු කිරීමට රජය පියවර ගත්තා.
ඊට විරෝධය පළකරමින් වික්ටෝරියා වෙළඳ සැල් හිමියන් පවසන්නේ නීති විරෝධී දුම්වැටි මැඩලීමේ රජයේ ව්‍යාපෘතියට තමන් සහය නොදක්වන බවයි.
ඔවුන් යෝජනා කරන්නේ එම ගාස්තුව ක්වින්ස්ලන්ඩ් හි මෙන් ඩොලර් 500 දක්වා අඩු කරන ලෙසයි.
නමුත් වික්ටෝරියා රජය පවසන්නේ බලපත්‍ර ගාස්තුව අසාමාන්‍ය ලෙස පහළ දැමීමෙන් කුඩා ව්‍යාපාරවලට බලපෑම් ඇති විය හැකි බවයි.
මේ වනවිට දුම්කොළ බලපත්‍ර ගාස්තුව ක්වින්ස්ලන් හි ඩොලර් 474 ක්, දකුණු ඔස්ට්‍රේලියාවේ ඩොලර් 340 ක්, බටහිර ඔස්ට්‍රේලියාවේ ඩොලර් 278 ක් සහ උතුරු කලාපයේ ඩොලර් 282 ක් ලෙසයි වාර්තා වන්නේ.
