හෘදයාබාධයක් වැළදුණු විටදී එය කඩිනමින් සුව වීමට හොඳම වෛද්‍ය ප්‍රතිකාර ඇති ඔස්ට්‍රේලියාවේ ප්‍රමුඛතම ප්‍රාන්තය වික්ටෝරියා බවට හදුනාගෙන තිබෙනවා.
වික්ටෝරියානු ගිලන් රථ සේවයේ නවතම වාර්තාවට අනුවයි මෙම තොරතුරු හෙළිවී ඇත්තේ.
මේ අනුව හෘදයාබාධ ප්‍රතිකාර සඳහා ලොව හොඳම තුන්වන නගරය බවටද මෙල්බන් පත්වී තිබෙනවා.
එහි පළමු සහ දෙවන ස්ථාන දිනාගෙන ඇත්තේ අමෙරිකාවේ සහ ඩෙන්මාර්කයේ නගර දෙකක් විසිනුයි.
වික්ටෝරියා ප්‍රාන්තයේ හෘදයාබාධවලට ලක්වන්නන් අතුරින් සියයට 79 ක් හදිසි සුවය ලබා ඇති අතර සියයට 84 ක් කෙටි කාලයකින් ප්‍රතිකාර ලබා රෝහලෙන් පිටව ගොස් තිබෙනවා.
