ඉන්ධන සදහා පනවා ඇති Cess බදු කපා හරින බවට විපක්ෂ ලිබරල් සන්ධානය මැතිවරණ පොරොන්දුවක් දී තිබෙනවා.
ෆෙඩරල් මැතිවරණයෙන් බලයට පත් වුවහොත් මාස 12 ක කාලයක් සදහා එය ක්‍රියාවට නංවන බවටයි විපක්ෂ නායක පීටර් ඩට්න් අයවැය පිළිතුරු කතාවේදී සදහන් කර ඇත්තේ.
ඒ සදහා දැරීමට සිදුවන මුදල ඩොලර් බිලියන 06 ක්.
ඒ අනුව වාහනයක් ඇති ඔස්ට්‍රේලියානු පවුලකට සතියකට ඩොලර් 28 ක පමණ මුදලක් ඉතිරි කර ගැනීමට අවස්ථාව පවතිනවා.
ඔස්ට්‍රේලියානුවන් මුහුණ දී සිටින ජීවන වියදම් ගැටලුව විසඳීමට වත්මන් කම්කරු රජයට කිසිදු අවශ්‍යතාවයක් නොමැති බවයි විපක්ෂ නායකවරයා චෝදනා කරන්නේ.
මෙවර අයවැයෙන් ලබාදී ඇත්තේ මැතිවරණ පොරොන්දු මිස ප්‍රායෝගිකව ක්‍රියාත්මක කළ හැකි වැඩපිළිවෙළක් නොවන බවටද විපක්ෂ නායකවරයා චෝදනා කරනවා.
