ප්‍රමුඛ පෙළේ ගෝලීය සෞඛ්‍ය සමුලුවක් වන ලෝක හෙපටයිටීස් සමුලුව පැවැත්වීමේ සත්කාරකත්වය මෙල්බන් නගරයට ලැබී තිබෙනවා.
ඒ අනුව 2027 වසරේදී එම සමුලුව මෙල්බන් නගරයේදී සංවිධානය කෙරෙනු ඇති.
මෙය වෛද්‍ය පර්යේෂණ සහ නවෝත්පාදනය සම්බන්ධයෙන් මෙල්බන් නගරයේ ඇති ස්ථාවරත්වය නැවත පෙන්නුම් කෙරෙන්නක් බවයි සෞඛ්‍ය ප්‍රවීණයන් පෙන්වා දෙන්නේ.
ලොව පුරා සිටින සෞඛ්‍ය විද්වතුන් රැසක් මෙම සමුලුවට එක්වනු ඇති.
ලෝක පිළිකා සමුලුව, ලෝක දියවැඩියා සම්මේලනය සහ මානසික සෞඛ්‍ය සමුලුව ඇතුලු ප්‍රමුඛ පෙළේ සෞඛ්‍ය වැඩසටහන් රැසක් මෑතකාලීනව මෙල්බන් නගරයේදී පැවැත්වුණා.
