නිව් සවුත්වේල්ස් හි දකුණු වෙරළ තීරයට අභිරහස් ලෙස මුදල් බෑගයක් ගසාගෙන විත් තිබෙනවා.
පසුගිය මාර්තු 20 වනදා දහවල් 1.30 ට පමණ කියාමා හි කෙන්ඩල්ස් මුහුදේ පාවෙමින් තිබූ මෙම මුදල් බෑගය පිළිබඳ පොලීසිය තවමත් පරීක්ෂණ සිදුකරමින් සිටිනවා.
ඒ අවට ප්‍රදේශවාසියෙක් මාධ්‍යයට පවසා ඇත්තේ විශාල ජනතාවක් මෙම ආරංචියෙන් පසු එදින මුහුදු වෙරළට රොක් වූ බවයි.
කිහිප දෙනෙකුට පාවෙමින් තිබූ ඩොලර් 100 නෝට්ටු හමුවී ඇති බවද ඇය කියාසිටියා.
ඇය පවසන්නේ ඔවුන්ට මෙම මුදල් මත්ද්‍රව්‍යවලට සම්න්ධද නැතහොත් ව්‍යාජ මුදල් ද යන්න කිසිදු අදහසක් නොමැති බවයි.
අයිතිකරුවෙකු සොයාබැලීමකින් තොරව මුදල් ලඟ තබා ගැනීම සොරකමක් සේ සලකන බව NSW පොලීසිය කියාසිටියා.
