හිටපු හමුදා ප්‍රධානීන් 3 දෙනෙකු ඇතුළු සිව් දෙනෙකුට සම්බාධක පැනවීමට එක්සත් රාජධානිය ගත් තීරණය ඒකපාර්ශවික පියවරක් බව විදේශ කටයුතු විදේශ රැකියා සහ සංචාරක අමාත්‍යංශය පවසනවා.
ශ්‍රී ලංකාවේ බ්‍රිතාන්‍ය මහකොමසාරිස්වරයා හමුවූ අමාත්‍ය විජිත හේරත් අද මේ සම්බන්ධව ශ්‍රී ලංකා රජයේ ස්ථාවරය දැනුම්දුන්නා.
එහිදී අදහස් දක්වමින් අමාත්‍යවරයා කියාසිටියේ මෙම ඒකපාර්ශවික තීරණය ශ්‍රී ලංකාවේ දේශීය සංහිඳියා ක්‍රියාදාමයට කිසිදු සහයක් නොදක්වන බවයි.
එය තත්වය ව්‍යාකූල කිරීමට ඉවහල් වන බව නිරීක්ෂණය වන බවද අමාත්‍යංශය පෙන්වාදෙනවා.
ඔවුන් නිකුත්කළ නිවේදනයේ දැක්වෙන්නේ වගවීම සහ සංහිඳියාව පිළිබඳ දේශීය යාන්ත්‍රණය ශක්තිමත් කිරීමේ ක්‍රියාවලියේ රජය නිරතව සිටින අතර අතීතයේදී සිදුවූ යම් මානව හිමිකම් උල්ලංඝනය කිරීම් ඇතොත් ඒවා පිළිබඳව දේශීය යාන්ත්‍රණය හරහා කටයුතු කළ යුතු බවයි.
ශ්‍රී ලංකා රජයේ මෙම ස්ථාවරය විදේශ කටයුතු විදේශ රැකියා සහ සංචාරක අමාත්‍යංශ විජිත හේරත් මහතා විසින් ශ්‍රී ලංකාවේ බ්‍රිතාන්‍ය මහකොමසාරිස් ඇන්ඩෘ පැට්‍රික්ට අද එම අමාත්‍යංශයේදී දැනුම් දී තිබෙනවා.
