බ්‍රිතාන්‍ය විසින් හිටපු ශ්‍රී ලංකා සන්නද්ධ හමුදාපතිවරුන්ට එරෙහිව සම්බාධක පැනවීම සම්බන්ධයෙන් හිටපු ජනාධිපති මහින්ද රාජපක්ෂ අද නිවේදනයක් නිකුත්කර තිබෙනවා.
හිටපු ආරක්ෂක මාණ්ඩලික ප්‍රධානී හා හිටපු හමුදාපති ජෙනරල් ශවේන්ද්‍ර සිල්වා, හිටපු නාවික හමුදාපති අද්මිරාල් ඔෆ්ද ෆ්ලීට් වසන්ත කරන්නාගොඩ සහ හිටපු හමුදාපති ජෙනරල් ජගත් ජයසූරිය ඊට ඇතුළත් වනවා.
ඔවුන්ට එරෙහි චෝදනා වන්නේ ශ්‍රී ලංකාවේ සිවිල් යුද්ධය අතරතුර මානව හිමිකම් උල්ලංඝනය කිරීම් සහ අපයෝජනයන් සම්බන්ධයෙන් වගකිවයුතු බවට යි.
හිටපු ජනාධිපතිවරයා නිවේදනයක් නිකුත්කරමින් පවසා ඇත්තේ එම චෝදනා කොතැනකවත් ඔප්පු කර නොමැති බවයි.
මහින්ද රාජපක්ෂගේ නිවේදනය පහතින් දක්වා ඇත.
