ෆෙඩරල් මැතිවරණය අප්‍රේල් මස 12 වනදා ප්‍රකාශයට පත්කරනු ඇතැයි දේශපාලන විචාරකයින් පවසනවා.
ඒ අනුව මැතිවරණය මැයි 3 වනදා පැවැත්වෙනු ඇති බවයි ඔවුන් විශ්වාස කරන්නේ.
භාණ්ඩාගාරික ජිම් චාමර්ස් ඊයේ සිය හතර වන අයවැය පාර්ලිමේන්තුවට ඉදිරිපත් කරනු ලැබුවා.
මැතිවරණයක් ඉදිරියේ තිබියදී ලේබර් රජය අයවැයෙන් ජනතාවට සහන ලබාදීම පුදුමයක් නොවන බවයි දේශපාලන විචාරකයින් පවසන්නේ.
මෙවර අයවැයෙන් කාන්තාවන් වෙනුවෙන් විශාල සහන ලබාදී ඇති අතර උකස් හිමියන්ට තවදුරටත් පොලී සහන ලබාදීම ද කැපීපෙනෙන බව ඔවුන් කියාසිටියා.
මේ අතර ඡායා භාණ්ඩාගාරික අන්ගුස් ටේලර් සඳහන් කර ඇත්තේ මෙම අයවැය අගමැතිවරයාගේ මැතිවරණ අල්ලසක් බවයි.
