මෙවර අයවැයෙන් කාන්තා සෞඛ්‍ය සේවය ඉහළ නැංවීම වෙනුවෙන් සහන රැසක් ලබාදී තිබෙනවා.
උපත් පාලන සහ ශ්‍රෝණි වේදනාවන් ඉලක්ක කර ගනිමින් ඩොලර් මිලියන 792.9 ක සහනයක් ලබාදුන් බවයි භාණ්ඩාගාරික ජිම් චාමර්ස් පවසන්නේ.
වයස අවුරුදු 18 ත් 44 ත් අතර කාන්තාවන්ගෙන් තුනෙන් දෙකක් උපත් පාලන ක්‍රම භාවිත කරනවා.
ඒ අනුව විශාල මෙඩිකෙයා සහනයක් ලෙස LARC උපත් පාලනයන් සඳහා ඩොලර් මිලියන 134.3 ක් වෙන්කළ බව ජිම් චාමර්ස් කියාසිටියා.
එමෙන්ම ඩොලර් බිලියන 1.8 ක ඖෂධ ප්‍රතිලාභ යෝජනා ක්‍රමයක් ද PBS පැකේජයක් යටතේ ඔබට ලබාදීමට නියමිතයි.
ඒ අනුව මෙම සහන ලබන මැයි පළමු වනදා සිට ක්‍රියාත්මක වනු ඇති.
මේ අතර පසුගිය වසරේ මෙන් මෙවරත් ජාතික අර්බුදයක් වී ඇති ගෘහස්ථ හිංසනයන් වෙනුවෙන් තවත් ඩොලර් මිලියන 277.7 ක ආයෝජනයක් සිදුකර ඇති බව ද භාණ්ඩාගාරිකවරයා පැවසුවා.
එමෙන්ම රටේ සෞඛ්‍ය ශ්‍රම බලකාය ඉහළ නැංවීම වෙනුවෙන් රජයේ වෛද්‍යවරුන්ට සහ හෙදියන් වෙනුවෙන් ඩොලර් මිලියන 606.3 ක් වෙන්කිරීමටයි 2025 අයවැයෙන් සැලසුම් කර ඇත්තේ.
