2024/25 වසරේදී දළ ණය ඩොලර් බිලියන 940 කට සීමා කිරීමට ඔස්ට්‍රේලියා රජය සූදානම් වනවා.
අද රාත්‍රියේ මේ වසරේ අයවැය ඉදිරිපත් කිරීමට නියමිතයි.
රටේ වගකිව යුතු ආර්ථික කළමණාකරණයක් වෙනුවෙන් ඉදිරි අයවැයේදී ණය සීමා කරන බවයි භාණ්ඩාගාරික ජිම් චාමර්ස් පවසන්නේ.
2023/24 වර්ෂයේ ණය සීමාව ඩොලර් බිලියන 906.9 ක් ලෙස පැවති බව කොමන්වෙල්ත් වාර්තාවල දැක්වෙනවා.
2022 වසරේ අවසන් මැතිවරණයට පෙර ණය සීමාව ඇස්තමේන්තු කළ මුදලට සාපේක්ෂව ඩොලර් බිලියන 177 කින් අඩුවී ඇති බවයි වාර්තාවල දැක්වෙන්නේ.
එමගින් ණය ගැනීමේ පිරිවැය ඉහළ ගියද බදු ගෙවන්නන්ගේ පොලී පිරිවැය ඩොලර් බිලියන දස දහස් ගණනකින් ඉතිරි වන බව චාමර්ස් කියාසිටියා.
ඒ අනුව මෙවර අයවැය ඉතිහාසයේ විශාලතම අයවැය පෙරළියක් සිදුකරන ‘කම්කරුවන් වෙනුවෙන් වගකිව යුතු අයවැයක්’ බව ඔස්ට්‍රේලියා භාණ්ඩාගාරිකවරයා වැඩිදුරටත් ප්‍රකාශ කළා.
