නිව් සවුත් වේල්ස් කුලී නිවාස හිමියන්ගෙන් අයථා ලෙස අයකර ඇති ගාස්තු නැවත ගෙවීමට දේපළ වෙළඳ සමාගම් පියවර ගෙන තිබෙනවා.
පසුබිම් වාර්තා ලබාදීමට අදාළව ඩොලර් 25 ත් 40 ත් අතර මුදලක් බැගින් ඔවුන්ගෙන් දෝෂ සහගත ලෙස අයකරගෙන ඇති බවයි වාර්තා වන්නේ.
මෙවැනි වාර්තා ලබා ගැනීම තහනම් කරමින් නිව් සවුත් වේල්ස් ප්‍රාන්ත පාර්ලිමේන්තුව පසුගිය ඔක්තෝබර් මාසයේදී නීතියක් ද සම්මත කරගනු ලැබුවා.
ඒ අනුව කුලී නිවැසියන් 2372 කට ඩොලර් 50,000 කට ආසන්න මුදලක් නැවත ගෙවීමටයි දේපළ වෙළද සමාගම් කටයුතු කර ඇත්තේ.
මේ වනවිට නිව් සවුත් වේල්ස් ප්‍රාන්තයේ කුලී නිවාසවල පදිංචි වී සිටින පිරිස ලක්ෂ 23 ඉක්මවා ගොස් සිටිනවා.
