අග්නිදිග ආසියානු රටවල සංචාරය කිරීමේදී ඔස්ට්‍රේලියා තරුණ තරුණියන් දැනුවත් කිරීමේ නව ප්‍රචාරණ ව්‍යාපාරයක් අද සමාජ මාධ්‍ය ඔස්සේ සිදුකෙරෙනවා.
විදෙස් සංචාරයකදී නීත්‍යානුකූල නොවන මත්පැන්/මත්ද්‍රව්‍ය පිළිබඳව සහ ආරක්ෂිත මත්පැන් පිළිබඳ අවබෝධය ලබාදීම මෙහිදී සිදුකෙරෙනු ඇති.
එමෙන්ම සංචාරයන්වලදී සහකරුවන් සොයාගැනීමේදී ඇතිවන අවදානම පිළිබඳව ද නව වැඩපිළිවෙල හරහා දැනුවත් කිරීමට නියමිතයි.
ඒ වෙනුවෙන් Smartraveller නමින් නව ඔන්ලයින් ආරක්ෂණ මධ්‍යස්ථානයක් ද ජූනි මාසයේදී විවෘත කරන බවයි විදේශ අමාත්‍යංශය පවසන්නේ.
පසුගියදා ආසියානු සංචාරයකදී ඔස්ට්‍රේලියානු තරුණියන් දෙදෙනෙකු මෙතනෝල් විෂවීමෙන් සිදුවූ ඛේදවාචකය හේතුවෙන් මෙම නව වැඩපිළිවෙල දියත් කර ඇති බව විදේශ කටයුතු අමාත්‍යවරයා කියාසිටියා.
