ෆෙඩරල් මැතිවරණයෙන් බලයට පත් වුවහොත් ඔස්ට්‍රේලියානුවන්ගේ මානසික සෞඛ්‍ය නගා සිටුවීම සදහා ඩොලර් මිලියන 05 ක ප්‍රතිපාදන වෙන් කරන බව විපක්ෂ නායක පීටර් ඩට්න් පවසනවා.
ඒ අනුව දැනට වසරකට මානසික සෞඛ්‍ය ප්‍රතිකාර ලබාගන්නා තරුණ ප්‍රජාව 1,800 සිට 8,000 දක්වා ඉහළ නැංවීමට නියමිතයි.
මීට අමතරව සිඩිනි නගරයේ නව මානසික සෞඛ්‍ය ආයතන රැසක් ඉදිකිරීමටද විපක්ෂ ලිබරල් සන්ධානය සැලසුම් කර තිබෙනවා.
මානසික රෝග සැළකෙන්නේ ඔස්ට්‍රේලියාවේ වාර්ෂික මරණ අතුරින් වැඩිම සංඛ්‍යාවකට ඉවහල් වන සාධකය ලෙසයි.
ඩිමෙන්ෂියා, සාංකාව, ආතතිය සහ පීඩනය වැනි හේතු ඊට බහුලව බලපා තිබෙනවා.
