2024 වසරේ නිව් සවුත්වේල්ස් ප්‍රාන්තයෙන් මිනීමැරුම් අනුපාතය ඉහළ ගොස් ඇතැයි අපරාධ සංඛ්‍යාලේඛන හා පර්යේෂණ කාර්යංශය පවසනවා.
පසුගිය වසරේ නිව් සවුත්වේල්ස් හි මිනී මැරුම් 84 ක් වාර්තා වී ඇති බවයි නව දත්තවල දැක්වෙන්නේ.
ඒ අනුව එය වසර 10 කට පසු වාර්තාවූ වැඩිම අගය බව දත්ත පර්යේෂකයින් පවසනවා.
2023 වසරේ NSW හි මිනීමැරුම් වාර්තා වූයේ 56 ක් ලෙසටයි.
එමෙන්ම 2024 වසරේ ඔස්ට්‍රේලියාවේ වැඩිම ජනාකීර්ණ ප්‍රාන්තය වන NSW හි පහරදීම් මෙන්ම ලිංගික හිංසනයන්ද වැඩි වශයෙන් වාර්තාවී ඇති බව සඳහන්.
පසුගිය වසරේ සිදුවූ මිනී මැරුම් 22 ක ප්‍රතිඵලයක් ලෙස තවත් මිනී මැරුම් 8 ක් වාර්තා වී ඇති බවද අපරාධ සංඛ්‍යාලේඛන කාර්යංශය කියාසිටියා.
2024 NSW හි ඝාතනයට ලක්වූවන් අතර පිිරිමින් 46 ක්, කාන්තාවන් 26 ක් සහ ළමුන් 13 දෙනෙකුද වන බවයි එම සංඛ්‍යාලේඛනවල දැක්වෙන්නේ.
මිනී මැරුම්වලින් අඩකට ආසන්න සංඛ්‍යාවක් ගෘහස්ථ ප්‍රචණ්ඩත්වයට සම්බන්ධ සිද්ධීන්වීම කණගාටුවට කරුණක් බව අපරාධ සංඛ්‍යාලේඛන කාර්යංශයේ විධායක අධ්‍යක්ෂකවරයා වැඩිදුරටත් කියාසිටියා.
