වික්ටෝරියා ප්‍රාන්තය තුළ තරුණ ප්‍රජාව විසින් සිදු කරන අපරාධ ක්‍රියාකාරකම්වල සීග්‍ර ඉහළ යෑමක් පෙන්නුම් කෙරෙනවා.
අපරාධ සංඛ්‍යාලේඛන ඒජන්සිය (CSA) නිකුත් කරන ලද නවතම දත්ත වාර්තාවක් ඔස්සේ අනාවරණය වී ඇත්තේ 2016 වසරේ සිට ප්‍රාන්තය තුළ සිදුවී ඇති අපරාධ අනුපාතයේ ඉහළම මට්ටම වෙත මේ වනවිට ළඟාවී ඇති බවයි.
වයස අවුරුදු 10 ත් 17 ත් අතර වයස් කාණ්ඩවල පසුවන්නන් විසින් සිදුකරන අපරාධ ක්‍රියාකාරම්වල ඉහළම අනුපාතය ද මේ වනවිට වික්ටෝරියා ප්‍රාන්තයෙන් වාර්තා වනවා.
ප්‍රාන්තයේ අපරාධ අනුපාතය පසුගිය වර්ෂයට සාපේක්ෂව සියයට 13.2 කින් පමණ ඉහළ ගොස් තිබීමද විශේෂත්වයක්.
වික්ටෝරියා හි වේගයෙන් වර්ධනය වන අපරාධ ක්‍රියාකාරකම ලෙස බලධාරීන් හදුනාගෙන ඇත්තේ මෝටර් රථ සොරකම් කිරීමයි.
ඊට අමතරව පවුල් ප්‍රචණ්ඩත්වය හා සම්බන්ධ අපරාධ ක්‍රියාකාරකම්වලද ඉහළ යෑමක් පෙන්නුම් කෙරෙනවා.
කෙසේවෙතත් ඇප නීති දැඩි කිරීම වැනි සංශෝධනයන් ඔස්සේ ප්‍රාන්තය තුළ වේගයෙන් වර්ධනය වන අපරාධ අනුපාතය පාලනය කිරීමටයි බලධාරීන් කටයුතු කරමින් සිටින්නේ.
