වික්ටෝරියා ප්‍රාන්තයේ පෝකර් (Poker) යන්ත්‍ර නියාමනයට අදාළ රෙගුලාසි මාලාවක් ප්‍රාන්ත පාර්ලිමේන්තුවේදී මෙම සතියේදී විවාදයට ගැනෙනවා.
ඒ අනුව 2027 වර්ෂය අවසන් වනවිට ප්‍රාන්තය පුරා දැනට ස්ථාපිත පෝකර් යන්ත්‍ර 26,000 ම තනි නීති මාලාවකට යටත් වනු ඇති.
දැනට මෙම රෙගුලාසි බලාත්මක වන්නේ Crown Casino ආයතනයේ පමණයි.
මේ අනුව පෝකර් යන්ත්‍ර සදහා ඇතුලත් කළ හැකි උපරිම මුදල් සීමාවක් ද හදුන්වා දීමට නියමිතයි.
2023 – 2024 මූල්‍ය වර්ෂයේදී සූදු ක්‍රීඩාවල නිරත වීමෙන් වික්ටෝරියානුවන් අහිමි කරගත් මුදල ඩොලර් බිලියන 7.4 ක් වූ අතර ඉන් ඩොලර් බිලියන 4 ක් ම පෝකර් යන්ත්‍ර හරහා අහිමි කරගෙන තිබුණා.
