ඔස්ට්‍රේලියානුවන් මිලියන ගණනකට බලපාන පරිදි සමාජ ආරක්ෂණ දීමනා ගණනාවක් අද (20) සිට ඉහළ දැමීමට ෆෙඩරල් රජය පියවර ගෙන තිබෙනවා.
ඒ අනුව Jobseeker – වැඩිහිටි දීමනා සහ තරුණ දීමනා මෙලෙස ඉහළ යනු ඇති.
Age Pension, Disability Support Pension & Carer Payment දීමනා ඩොලර් 4.60 කින් වැඩි කෙරෙන්නේ සති 02 කට ඩොලර් 1,149 ක් දක්වායි.
Parenting payment දීමනාව එක් අයෙකු සඳහා ඩොලර් 4 කින් ඉහළ දමා ඇති අතර සති 02 ක් සඳහා එම නව දීමනාව ඩොලර් 1,030 ක් බවට පත්වනවා.
දරුවන් නොමැති වයස අවුරුදු 22 ට වැඩි Jobseeker දීමනාලාභීන් සඳහා සති 02 ක් සඳහා ගෙවන එම මුදල ඉහළ යනු ඇත්තේ ඩොලර් 789.90 ක් දක්වායි.
සමාජ සේවා ඇමතිනී ඇමැන්ඩා රිෂ්වර්ත් පැවසුවේ 2024/25 අයවැයෙන් මේ වෙනුවෙන් වෙන් කෙරෙන මුදල ඩොලර් බිලියන 1.5 ක් බවයි.
අද සිට ඉහළ යන සමස්ත දීමනා පිළිබඳ වැඩිදුර විස්තර මෙතැනින් – https://www.dss.gov.au/system/files/documents/2025-03/rates-list-20-march-2025-upload.pdf
