මෙල්බන් හි බස් රථයක් තුළ සිදුවූ ලිංගික අපයෝජනයකට සම්බන්ධ බවට සැක පුද්ගලයෙකු සොයා පොලීසිය මෙහෙයුමක් ආරම්භ කර තිබෙනවා.
පසුගිය පෙබරවාරි 17 වන දින උදෑසන 6.30 ට පමණ මෙල්බන් හි මාර්ග අංක 811 බස් රථයකදීයි මෙම සිදුවීම සිදුව ඇත්තේ.
ඊට මුහුණ පෑ 37 හැවිරිදි කාන්තාව පවසන්නේ Dandenong දුම්රිය ස්ථානයෙන් එම පුද්ගලයා බසයට ගොඩවූ බවයි.
CCTV දර්ශනවලට අනුව ඔහු දකුණු ආසියාතික පුද්ගලයෙකු බවට පොලීසිය සැක පළකරනවා.
උපැස් යුවලක් සහ රතු ටී ෂර්ට් එකක් හැඳ සිටි මෙම පුද්ගලයා පිළිබඳ තොරතුරු දන්නේ නම් වහාම දැනුම් දෙන ලෙසයි පොලීසිය ජනතාවගෙන් ඉල්ලා සිටින්නේ.
