ඔස්ට්‍රේලියා රියදුරන්ගේ ප්‍රමිතිකරණය සම්බන්ධයෙන් අද පාර්ලිමේන්තුවේ අවධානය යොමු වී තිබෙනවා.
එහිදී විශේෂයෙන් අවම රියදුරු වයස සහ බලපත්‍ර අවශ්‍යතා පිළිබඳ ගැටළු සඳහා විසඳුම් ඉදිරිපත් වී ඇති බවයි වාර්තා වන්නේ.
උතුරු වික්ටෝරියා හි පාර්ලිමේන්තු මන්ත්‍රිනී Gaelle Broad විසිනුයි මෙම යෝජනාව මෙහෙයවා ඇත්තේ.
වික්ටෝරියාවේ රියදුරන්ගේ 18 ක්ව පවතින අවම වයස් සීමාව 17 ක් දක්වා අඩු කරන ලෙස ප්‍රාන්ත රජයෙන් ඉල්ලීමක් කර තිබෙනවා.
රැකියා සඳහා යොමුවීමේදී වයස අවුරුදු 17 තරුණයින්ට රියදුරු බලපත්‍රය අවශ්‍යවීම මීට හේතුවයි.
එමෙන්ම නිව් සවුත්වේල්ස් හි සිදුකරන උපක්‍රමශීලී රියදුරු පුහුණු වැඩසටහන් වික්ටෝරියාවේත් ක්‍රියාත්මක කිරීමට අවශ්‍ය බව මන්ත්‍රීවරිය පාර්ලිමේන්තුවේදී පවසා තිබෙනවා.
කෙසේවෙතත් වික්ටෝරියාවේ දිනෙන් දින ඉහළ යන තරුණ රියදුරු මරණ හේතුවෙන් වයස් සීමාව කිසිසේත් අඩු නොකරන බවයි බලධාරීන් පවසා ඇත්තේ.
