හිටපු ජනාධිපති ඝෝඨාභය රාජපක්ෂට ලබාදුන් රැඳවුම් නියෝගයක් නීතියට පටහැනි බවට ශ්‍රේෂ්ඨාධිකරණය අද නියෝග කර තිබෙනවා.
2020 වසරේ හෙරොයින් මත්කුඩු සන්තකයේ තබාගැනීමේ සිද්ධියක් සම්බන්ධයෙන් අත්අඩංගුවට ගත් කාන්තාවක් ත්‍රස්තවාදය වැළැක්වීමේ පනත යටතේ රඳවා ගෙන විමර්ශනය කිරීමට ගෝඨාභය රාජපක්ෂ අවසර ලබාදී තිබුණා.
සිද්ධිය සම්බන්ධයෙන් පොකුණුවිට ප්‍රදේශයේ පදිංචි කාංචනා ප්‍රියදර්ශනී මදුරප්පෙරුම නමැති කාන්තාවකුයි මෙලෙස රඳවා ගෙන ප්‍රශ්න කරනු ලැබුවේ.
ඇය ඉදිරිපත් කළ මූලික අයිතිවාසිකම් පෙත්සම සලකා බැලූ ශ්‍රේෂ්ඨාධිකරණය අද තීරණය කලේ එය නීතියට පටහැනි තීන්දුවක් බවයි.
එමෙන්ම එම කාන්තාවගේ මූලික මිනිස් අයිතිවාසිකම් උල්ලංඝනය කිරීම වෙනුවෙන් රුපියල් ලක්ෂයක වන්දියක් පෙත්සම්කාරියට ගෙවිය යුතු බවත් එහිදී නියෝගකර තිබෙනවා.
