චීනයේ නිෂ්පාදිත මිනිසුන් රහිත භාණ්ඩ ප්‍රවාහන ගුවන් යානයක් සාර්ථකව ගොඩබස්සවා තිබෙනවා.
TP1000 නම් මිනිසුන් රහිත මෙම භාණ්ඩ ප්‍රවාහන ගුවන් යානය, Shandong පළාතේ දී සිය පළමු ගුවන් ගමන සාර්ථකව දියත් කර ඇති බවයි විදෙස් මාධ්‍ය පවසන්නේ.
මෙය ගුවනේ සිට භාණ්ඩ බෙදා හැරිය හැකි චීනයේ නිෂ්පාදිත ප්‍රථම මිනිසුන් රහිත මහා පරිමාණ ප්‍රවාහන ගුවන් යානාවයි.
ඩ්‍රෝන යානාවල ගුවන්ගත කිරීමේ ප්‍රමිතීන්ට අනුකූලව, චීනය මෙම ගුවන් යානය සම්පූර්ණයෙන්ම ස්වාධීන පර්යේෂණයන් කරමින් නිෂ්පාදනය කර තිබීම විශේෂත්වයක්.
මෙම ගුවන් යානයෙන් ටොන් එකක ධාරිතාවක් දක්වා ප්‍රවාහනය කිරීමේ හැකියාව පවතිනවා.
එමෙන්ම සම්පූර්ණ බර ද සහිත ව කිලෝමීටර් 1000ක දුරක් ගමන් කිරීමේ හැකියාව ද මෙම යානය සතු වනවා.
TP1000 යානය ලබන වසරේ සිට නිළ වශයෙන් භාවිත කිරීමට සැලසුම් කරන බවයි චීන වාර්තාවල දැක්වෙන්නේ.
