නිවාස ඉදිකිරීම් ව්‍යාපෘති කිහිපයක් වේගවත් කිරීමට වික්ටෝරියා ප්‍රාන්ත රජය පියවර ගෙන තිබෙනවා.
ඒ අනුව නිවාස ඒකක 167 ක් ඇතුලත් ඩොලර් මිලියන 292 ක වටිනාකමින් යුත් ඉදිකිරීම් ව්‍යාපෘතියක් වහා නවීකරණය කෙරෙනු ඇති.
Brunswick (බෲන්ස්වික්) ප්‍රදේශයේ ඉදි කෙරෙන මෙම ව්‍යාපෘතිය හරහා වික්ටෝරියා ප්‍රාන්තයේ නිවාස ගැටලුවට යම්තාක් දුරකට හෝ විසදුමක් ලැබෙනු ඇති බවයි විශ්ලේෂකයන් පෙන්වා දෙන්නේ.
සංක්‍රමණිකයන් සහ වෙනත් ප්‍රාන්තවල සිට පැමිණෙන ජනතාව හේතුවෙන් වික්ටෝරියා ප්‍රාන්තය මේ වනවිට දැඩි නිවාස ගැටලුවකට මුහුණ දෙමින් සිටිනවා.
ඒ අනුව එම ගැටලුව විසදීම සදහා පාලක කම්කරු පක්ෂ ප්‍රාන්ත රජය විසින් ද නව ප්‍රතිසංස්කරණ රැසක් ගෙන ඒමටයි සූදානමින් පසුවන්නේ.
