විදෙස් ශ්‍රමිකයින්ගේ විශ්‍රාම වැටුප් ක්‍රමවේදය දැනටමත් ක්‍රියාත්මක බව ශ්‍රී ලංකා රජය පවසනවා.
විදේශ කටයුතු අමාත්‍ය විජිත හේරත් ඊයේ පාර්ලිමේන්තුවේදී කියාසිටියේ විදේශ විශ්‍රාම වැටුප් ක්‍රමය තවදුරටත් ශක්තිමත් කිරීමට ඉදිරියේදී පියවර ගන්නා බවයි.
සමාජ සවිබල ගැන්වීමේ අමාත්‍යංශයේ සමාජ ආරක්ෂණ අරමුදල සහ ශ්‍රී ලංකා විදේශ සේවා නියුක්ති කාර්යංශය මේ වනවිටත් ඒ සම්බන්ධ අවබෝධතා ගිවිසුමක් අත්සන් තබා ඇති බවයි අමාත්‍යවරයා වැඩිදුරටත් කියාසිටියේ.
ඒ අනුව ඉදිරියේදී විදෙස් ශ්‍රමිකයින්ගේ විශ්‍රාම වැටුප් ක්‍රමය ඔවුන්ට හඳුන්වාදීමට පියවර ගන්නා බව විජිත හේරත් ඇමතිවරයා වැඩිදුරටත් සඳහන් කළා.
එමෙන්ම සංචාරක ක්ෂේත්‍රයේ නියුතු පිරිසට ද යෝජනා වී ඇති විශ්‍රාම වැටුප් ක්‍රමය ඔවුන් වෙත ලබාදීමට ඉදිරියේදී පියවර ගන්නා බව විදේශ කටයුතු අමාත්‍ය විජිත හේරත් පාර්ලිමේන්තුවේදී ප්‍රකාශ කළා.
