තියුණු ආයුධ තහනම් කෙරෙන නීති වහා සම්මත කරන්නැයි වික්ටෝරියා ප්‍රාන්ත විපක්ෂය ප්‍රාන්ත රජයට නැවත බල කරනවා.
දින කිහිපයකට පෙර මෙල්බන් නගරයෙන් තවත් තියුණු ආයුධයකින් සිදුකළ පහරදීමක් වාර්තා වීම ඊට ආසන්නතම හේතුවයි.
ඒ අනුව ඔස්ට්‍රේලියාව පළමු තියුණු ආයුධ තහනම් නීතිය ගෙන එන ප්‍රාන්තය බවට වික්ටෝරියාව පත් කරන බවයි අගමැතිනි ජසින්ටා ඇලන් පසුගියදා සදහන් කළේ.
කෙසේවෙතත් එම නීති ලබන සැප්තැම්බර් 01 වනදා තෙක් බලාත්මක නොවනු ඇති බවටද වාර්තා පළවී තිබෙනවා.
එමෙන්ම එදින සිට නොවැම්බර් 30 වනදා දක්වා සහන කාල සීමාවක් ක්‍රියාත්මක වනු ඇති බවටද වාර්තා පළ වනවා.
මෙම සියලු කරුණු සැළකිල්ලට ගෙන වික්ටෝරියා විපක්ෂය ප්‍රාන්ත රජයෙන් ඉල්ලා සිටින්නේ තියුණු ආයුධ සම්බන්ධ නීති වහා දැඩි කරන ලෙසටයි.
