මෙල්බන් හි නැගෙනහිර ප්‍රදේශයේ නිවාස ආසන්නයේ හටගත් ලැව් ගින්න මැඩපැවැත්වීමට බලධාරීන් කටයුතු කරමින් සිටිනවා.
පවතින වියළි සුළං හා අධික උෂ්ණත්වය හමුවේ ගින්න ව්‍යාප්තවීම වැඩි වූ බවයි මාධ්‍ය වාර්තා පවසන්නේ.
Montrose හි ගින්න පවතින ප්‍රදේශයෙන් මීටර් 50 ක් 100 ක් ඈතින් නිවාස පිහිටා ඇති බවයි වාර්තා වන්නේ.
ඒ හේතුවෙන් Montrose සහ Kilsyth ප්‍රදේශවාසීන්ට අනතුරු ඇඟවීම් ද නිකුත්කර ඇති බව මෙල්බන් බලධාරීන් කියාසිටියා.
අද සවස 2 ට ඇතිවූ මෙම ගින්නෙන් මේ වනවිට හෙක්ටයාර 2 ක පමණ භූමි ප්‍රදේශයක් ගිනි ගෙන විනාශ වී ඇති බවයි වාර්තා වන්නේ.
ගින්න නිවීමට ගිනි නිවන රථ 40 කට අධික සංඛ්‍යාවක් සහ හෙලිකොප්ටර් යානා 3 ක් කටයුතු කරමින් සිටිනවා.
මෙල්බන් හි හෙට උෂ්ණත්වය සෙල්සියස් අංශක 26 ක් දක්වා පහත වැටෙන අතර වැසි තත්වයක් ද ඇති විය හැකි බවයි කාලගුණ අංශ පවසන්නේ.
