අද (15) සහ හෙට (16) යන දෙදින තුළ වික්ටෝරියා ප්‍රාන්තය තුළ උෂ්ණත්වයේ ඉහළ යෑමක් අපේක්ෂා කෙරෙනවා.
ඒ අනුව ප්‍රාන්තයේ ඇතැම් ප්‍රදේශවල උෂ්ණත්වය සෙල්සියස් අංශක 40 සීමාවට ළගා වනු ඇති.
ප්‍රාන්තය පුරාම පවතින සුළං තත්වයේ ද යම් වර්ධනයක් පෙන්නුම් කෙරෙන අතර ඒ හේතුවෙන් ලැව් ගිනි ඇතිවීමේ අවදානමක් ද පවතිනවා.
අද (15) සවස් කාලය වනවිට මෙල්බන් ඇතුලු වික්ටෝරියා ප්‍රාන්තයේ ප්‍රදේශ රැසක දැඩි උණුසුම් කාලගුණයක් පවතිනු ඇති බවටයි අනුමාන කෙරෙන්නේ.
VicEmergency හරහා ලබාදෙන දැනුම් දීම් පිළිබඳව ද අවධානයෙන් සිටින ලෙසට ප්‍රාන්ත වාසීන් වෙත උපදෙස් ලබා දී තිබෙනවා.
ගතවූ සතියක කාලසීමාව තුළ ප්‍රාන්තයේ ප්‍රදේශ කිහිපයක ලැව් ගිනි 70 ක් පමණ ඇතිවී ඇති බවයි Emergency Management Victoria හි වැඩබලන කොමසාරිස් Tim Wiebusch සදහන් කළේ.
ගිනි නිවන භට කණ්ඩායම් ද ඕනෑම් හදිසි තත්වයක් උදෙසා සූදානමින් සිටින බවද එහි වැඩිදුරටත් සදහන් වනවා.
