මෙල්බන් හි වට්ටම් ලබාදුන් වෙළඳ සැළක භාණ්ඩයක් හදිසියේ නැවත කැඳවීමක් සිදුකර තිබෙනවා.
පසුගියදා වට්ටම් ලබාදුන් පැන්ඩා මාර්ට් (Panda Mart) වෙළඳසැලේ මේස ලාම්පුවකුයි (table lamps) මෙ‍ෙලස නැවත කැඳවීමට සිදුව ඇත්තේ.
වික්ටෝරියාවේ බලශක්ති ආරක්ෂිත ආයතනය පවසන්නේ එම ලාම්පුවල නිරාවරණය වූ වයර් සොයාගැනීමට හැකි වූ බවයි.
එහි ප්‍රධාන විධායක ලීන් හියුසන් අනතුරු ඇඟවූයේ එම වයර් ස්පර්ශවී විදුලි සැර වැදීමෙන් විදුලි කම්පනයක් හෝ මරණයක් වුවත් සිදුවිය හැකි බවයි.
පෙබරවාරි මස 27 වනදා සිට මෙල්බන් හි පැන්ඩා මාර්ට් වෙළඳසැලෙන් මෙම මේස ලාම්පු සිය ගණනක් මේ වනවිට අලෙවි වී තිබෙනවා.
පැන්ඩා මාර්ට් වෙළඳසැළේ මේ වනවිට එම වර්ගයේ මේස ලාම්පු අලෙවිය අත්හිටුවා ඇති බවයි වාර්තා පළවන්නේ.
