ඔස්ට්‍රේලියාවේ ක්වින්ස්ලන්ඩ් හි පාසලක පාෂාණයක තිබී ඩයිනෝසරයින්ගේ පා සටහන් රැසක් සොයාගෙන තිබෙනවා.
වසර 20 ක් තිස්සේ එම පාෂාණය පාසලේ ප්‍රදර්ශනයට තබා තිබූ අතර එය වසර මිලියන 200 ක් පැරණි එකක් බවටයි පුරාවිද්‍යාඥයින් අනාවරණය කරගෙන ඇත්තේ.
එහි තිබී තනි තනි ඩයිනෝසරයින් 47 දෙනෙකුගේ පා සටහන් 66 ක් හමු වූ බව පුරාවිද්‍යාඥයින් පවසනවා.
කිසිදු ෆොසිල අස්ථියක් පා සටහන් සමග නොතිබූ බැවින් මෙම ඩයිනෝසර් වර්ගය කුමන විශේෂයකට අයත්ද යන්න මෙතෙක් හඳුනා ගෙන නැහැ.
ඇඟිලි 3 කින් යුත් පා සටහන් වල විශාලත්වය මත පදනම්ව මෙම ඩයිනෝසරයින් සෙන්ටිමීටර් 20 ත් 76 ත් අතර උසකින් යුක්ත බවයි ඔස්ට්‍රේලියා පුරාවිද්‍යාඥයින් කියාසිටියේ.
එමෙන්ම එම ඩයිනෝසරයින් පැයට කිලෝමීටර් 2 ත් 6 ත් අතර වේගයකින් ගමන් කරන බවද ඔස්ට්‍රේලියා පුරාවිද්‍යාඥයින් අනාවරණය කර ගෙන තිබෙනවා.
