යුරෝපා රටවල් හි COVID-19 වසංගතයෙන් මියගිය හා රෝගාතුරවී සිටින පුද්ගලයින් පිළිබඳව සොයා බැලීමට ලන්ඩන් පර්යේෂකයින් කණ්ඩායමකට හැකිවී තිබෙනවා.
ඒ අනුව 2020 /2022 වසර තුළ යුරෝපා රටවල් 18 ක පුද්ගලියන්ට අහිමි වූ ඔවුන්ගේ වයස්වල එකතුවෙන් එනම් වසර මිලියන 289 කින් වසර මිලියන 17 කට ආසන්න සංඛ්‍යාවක් COVID-19 වසංගතය හේතුවෙන් අහිමි වී ඇති බවයි අනාවරණය කර ඇත්තේ.
ලන්ඩනයේ ඉම්පීරීයර් කෝලේජ් හි මහජන සෞඛ්‍ය පාසලේ වෛද්‍ය සාරා අහමඩ් අබාරිගේ නායකත්වයෙනුයි මෙම අධ්‍යයනය සිදුකර තිබුණේ.
අධ්‍යයනයට අවුරුදු 35 ක් සහ ඊට වැඩි යුරෝපා ජාතිකයන් පිළිබඳව අවධානය යොමුකළ බවයි සාරා අහමඩ් පවසන්නේ.
මෙහිදී 2020/2022 වසරවල හෘද රෝග හා ඩිමෙන්ෂියාව ඇතුළු ආබාධිත භාවයන් සහ මරණ අනුපාතයන් COVID-19 වසංගතයේ බලපෑම් බවට තක්සේරු කර තිබෙනවා.
වසංගතය අතරතුර මියගිය අයගෙන් භාගයකට වැඩි ප්‍රමාණයක් වයස අවුරුදු 80 ට වැඩි පුද්ගලයින් බවයි හෙළිවී ඇත්තේ.
