හෙළ සිනමාවේ නිළි රැජිණ ලෙස හැඳන්වෙන මාලනී ෆොන්සේකාගේ සෞඛ්‍ය තත්වය යහපත් අතට හැරෙමින් පවතින බව මාධ්‍ය වාර්තා පවසනවා.
පසුගියදා ඇති වූ රෝගී තත්වයක් හේතුවෙන් ඇය මේ වනවිට කොළඹ පෞද්ගලික රෝහලක ප්‍රතිකාර ලබමින් සිටින බවයි එම වාර්තාවල සඳහන් වන්නේ.
කෙසේවෙතත් අද උදෑසන වනවිට ඇයගේ සෞඛ්‍ය තත්ත්වය තරමක් යහපත් අතට පත්ව ඇතැයි ඥාතීන් පවසා තිබෙනවා.
තත්ත්වය එසේ තිබිය දී මේ වනවිට සමාජ මාධ්‍ය ඔස්සේ විවිධ කටකතා පැතිර යමින් පවතින අතර, ඒ සියල්ල අසත්‍ය බවත් මේ මොහොතේ මානසික පීඩාවන් ඇති නොකරන ලෙසත් මාලනී ෆොන්සේකාගේ ඥාතීන් ජනතාවගෙන් ඉල්ලා සිටිනවා.
එසේ අසත්‍ය තොරතුරු සමාජ මාධ්‍යයට මුදාහරින පිරිස් සම්බන්ධයෙන් නීතිමය පියවර ගැනීමට කටයුතු කර ඇති බවයි මාලනී ෆොන්සේකාගේ ඥාතීන් වැඩිදුරටත් පවසා ඇත්තේ.
