ඔස්ට්‍රේලියාවේ හිටපු ටෙස්ට් ක්‍රිකට් ක්‍රීඩකයෙකුට එරෙහි මත් ද්‍රව්‍ය චෝදනා නඩුවේදී සුවිශේෂී අනාවරණ රැසක් සිදුවී තිබෙනවා.
ස්ටුවර්ට් මැක්ගිල්ට එරෙහි ප්‍රධාන චෝදනාව වන්නේ ඩොලර් 330,000 ක මුදලකට කොකේන් වර්ගයේ මත්ද්‍රව්‍ය කිලෝවක් මිලයට ගැනීමයි.
සිඩ්නි උතුරු ප්‍රදේශයේ පිහිටි ඔහුගේ අවන්හලකදී මෙම මත්ද්‍රව්‍ය ජාවාරම සිදුවී තිබුනේ 2021 වසරේ අප්‍රේල් මාසයේදීයි.
මේ වනවිට අදාල නඩු විභාගය අවසන් අදියරට පැමිණ ඇති අතර හිටපු පා දඟ පන්දු යවන්නා මත්ද්‍රව්‍ය ජාවාරම්කරුවෙකුගෙන් මෙම කොකේන් මිලයට ගෙන ඇති බවයි පැවසෙන්නේ.
කෙසේවෙතත් ඔහු එම චෝදනා ප්‍රතික්ෂේප කර ඇති අතර ඒ අනුවයි නඩු විභාගයක් ආරම්භ වූයේ.
ස්ටුවර්ට් මැක්ගිල් මෙම සිදුවීමෙන් දින කිහිපයකට පසු පැහැර ගැනීමට මෙන්ම පහර කෑමකට ද ලක්වුණා.
ඉන් දින 6 කට පසු ඔහු පොලීසිය වෙත පැමිණ ප්‍රකාශයක් ලබාදී තිබූ අතර මත්ද්‍රව්‍ය ජාවාරමට තමාගේ කිසිම සම්බන්ධයක් නොමැති බවයි පවසා තිබුණේ.
