වික්ටෝරියා ප්‍රාන්තයේ Nelson හි ඉදිකිරීමට යෝජිත ඔස්ට්‍රේලියාවේ උසම සුළං ටර්බයින සහිත බලාගාර ව්‍යාපෘතියකට පාර්ශව රැසකින් විරෝධය එල්ල වී තිබෙනවා.
ප්‍රදේශවාසීන් චෝදනා කරන්නේ ඒ හේතුවෙන් කලාපයේ පරිසරයට සහ ජෛව විවිධත්වයට හානි ඇතිවිය හැකි බවයි.
Kentbruck Green Power Hub නම් මෙම බලශක්ති සැලසුම යෝජනාව ක්‍රියාත්මක කරනු ලබන්නේ Neoen සමාගම විසින් බවයි දැක්වෙන්නේ.
කෙසේ වෙතත් ප්‍රදේශවාසීන්ගේ චෝදනාවලට ප්‍රතිචාර දක්වන අදාළ සමාගම පෙන්වා දෙන්නේ සුළං ටර්බයින මීටර් 270 ක පමණ උසකින් පිහිටා තිබීම නිසා කුරුල්ලන් වැනි සතුන්ට හානිදායක නොවන බවයි.
යෝජිත සුළං බලාගාරය ඉදිකිරීම සදහා ඩොලර් බිලියන 1.2 ක් පමණ වැය වනු ඇති බවටයි ඇස්තමේන්තු කර ඇත්තේ.
අදාළ ව්‍යාපෘතිය සම්බන්ධ උපදේශන කාලසීමාව අද (11) අවසන් වීමට නියමිතව තිබුණද එම කාලසීමාව මාර්තු 31 වනදා දක්වා දීර්ඝ කර තිබෙනවා.
වික්ටෝරියා සැලසුම් මණ්ඩලය එම තීරණය ගෙන ඇත්තේ එහි පරිසර වාර්තාවට නව යාවත්කාලීන කිරීම් කිහිපයක් එකතු කිරීම හේතුවෙන් බවයි වැඩිදුරටත් සදහන් වන්නේ.
