සිඩ්නි හි දරුණුතම ස්ත්‍රී දූෂකයෙකු ලෙස සැළකෙන බාලේෂ් ධන්කාර් නම් ඉන්දීය ජාතිකයාට අද දිනයේදී වසර 30 ක සිර දඩුවම් නියම කර තිබෙනවා.
ඒ කොරියානු කාන්තාවන් 05 දෙනෙකු දරුණු ලෙස දූෂණය කිරීමේ වරද මත පදනම්වයි.
මෙම පුද්ගලයා ව්‍යාජ රැකියා දැන්වීම් පළ කර එම කාන්තාව තම නිවස වෙත ගෙන්වා ගෙන ඇති බවටයි කරුණු අනාවරණය වී ඇත්තේ.
පසුව එම කාන්තාවන්ට මත්ද්‍රව්‍ය ලබාදී බලහත්කාරයෙන් දරුණු ලිංගික හිංසනයන් සිදුකර තිබෙන අතර එම ක්‍රියාකාරකම් මෙම පුද්ගලයා විසින් රූගත කර තිබෙනවා.
බාලේෂ් ධන්කාර් 2006 වර්ෂයේදී ඔස්ට්‍රේලියාවට පැමිණ ඇත්තේ ශිෂ්‍ය වීසා හරහායි.
පසුකාලීනව මෙම පුද්ගලයා ඔස්ට්‍රේලියාවේ ප්‍රධාන සමාගම් රැසක තොරතුරු තාක්ෂණ ක්ෂේත්‍රයේ වෘත්තිකයෙකු ලෙසද කටයුතු කර තිබෙනවා.
2018 වසරේදී ඔහු පොලිස් අත්අඩංගුවට පත්වන තෙක් ඔස්ට්‍රේලියාවේ සිටින ඉන්දීය ප්‍රජාව අතර විශාල ජනප්‍රියත්වයක් දිනා ගත් චරිතයක් වීම ද විශේෂත්වයක්.
2023 වර්ෂයේදී මෙම පුද්ගලයා ලිංගික අතවර චෝදනා 13 ක් ද සමගින් සමස්ත වැරදි 39 කට වරදකරු බවට පත් කර තිබෙනවා.
බාලේෂ් ධන්කාර්ගේ සිර දඩුවම් අවසන් වනවිට ඔහුගේ වයස අවුරුදු 83 ක් පමණ වන බවටයි ගණන් බල ඇත්තේ.
