Commonwealth බැංකුව එහි තාක්ෂණ අංශයේ සේවයේ නියුතු වෘත්තිකයන් 164 දෙනෙකු ඉවත් කිරීමට පියවර ගෙන තිබෙනවා.
පසුගියදා දැවැන්ත වාර්ෂික ලාභයක් අත්කර ගත් බැංකුවේ මෙම තීරණය සම්බන්ධයෙන් Finance Sector Union සිය විරෝධය පළ කර තිබෙන බවයි වාර්තා වන්නේ.
බැංකු පාලනාධිකාරියේ මෙම තීරණයට හේතුව කුමක්ද යනවග හෙළි කළ යුතු බවද ඔවුන් පෙන්වා දී තිබෙනවා.
රට තුළ කුසලතාවලින් පරිපූර්ණ සේවක හිඟයක් පවතින පසුබිමක Commonwealth බැංකුව විසින් ගෙන ඇති මෙම අදූරදර්ශී තීරණය කෙරෙහි පාර්ශව රැසකින් දැඩි විවේචන එල්ල වී තිබීම ද විශේෂත්වයක්.
මේ වනවිටත් Commonwealth බැංකුව තුළ තාක්ෂණික ක්ෂේත්‍රයේ තනතුරු 400 ක පමණ පුරප්පාඩු පවතින බව ද වැඩිදුරටත් සදහන් වනවා.
