වික්ටෝරියා ප්‍රාන්තය තුළ පවතින ඇප නීති දැඩි කළ යුතු බවට අග්‍රාමාත්‍ය ජසින්ටා ඇලන් අවධාරණය කරනවා.
කෙසේ වෙතත් අපරාධවලට ගොදුරු වූවන් පෙන්වා දෙන්නේ ප්‍රාන්ත අග්‍රාමාත්‍යවරියගේ එම පොරොන්දුව වචනයකට පමණක් සීමා වූ දෙයක් වන බවයි.
දෛනිකව ඉහළ යන අපරාධ ක්‍රියාකාරකම්වලට එරෙහිව කිසිවක් සිදු කරන බවක් වින්දිතයන් විශ්වාස කරන්නේ නැහැ.
මේ අතර ප්‍රාන්ත අග්‍රාමාත්‍ය ජසින්ටා ඇලන් නැවතත් ප්‍රකාශ කර ඇත්තේ මෙම ගැටළුවලට සවන් දී ඉදිරියේදී ක්‍රියා කරන බවයි.
මෙම කාර්යය ඉටු කිරීමට තමන් ප්‍රමුඛතාවය ලබා දෙන බවද ඇය වැඩිදුරටත් සදහන් කර තිබෙනවා.
ප්‍රාන්ත පාර්ලිමේන්තුව තුළ මේ වනවිට ආයුධ භාවිතය සම්බන්ධ නීති රීති සංශෝධනය කිරීම සම්බන්ධයෙන් සාකච්ඡා කරමින් සිටින බවයි වැඩිදුරටත් සදහන් වන්නේ.
