වික්ටෝරියාවේ ආරක්ෂක නිළධාරියෙකුට දරුණු ලෙස පහරදුන් තරුණයින් 4 දෙනෙකු අත්අඩංගුවට ගෙන තිබෙනවා.
බෙන්ඩිගොයින් හි වෙළඳ මධ්‍යස්ථානයක තරුණයින් නව දෙනෙකුගෙන් යුත් කණ්ඩායමක් ආරක්ෂක නිළධාරියාට පයින් ගසා පහරදී බිම ඇදගෙන යාමේ වීඩියෝවක් මාධ්‍ය වෙත මුදාහැරුණා.
වික්ටෝරියා පොලීසිය පවසන්නේ තරුණයින්ට එම මධ්‍යස්ථානයෙන් පිටතට යන ලෙස දැනුම්දීමෙන් පසුව ආරක්ෂක නිලධාරියාට පහරදීම් සිදුකර ඇති බවයි.
සිද්ධියෙන් පළාගිය තරුණයින් නව දෙනාගෙන් 4 දෙනෙකු අද උදෑසන අත්අඩංගුට ගැනීමට වික්ටෝරියා පොලීසියට හැකි වුණා.
ඔවුන් අවුරුදු 14 ත් 17 ත් අතර වයස්වල පසුවන්නන් බවයි පොලීසිය සඳහන් කළේ.
වික්ටෝරියාවේ මෙම තත්වය පාලනය කිරීමට පොලීසිය සමග එක්ව කටයුතු කරන බව අධ්‍යාපන දෙපාර්තමේන්තුව පවසනවා.
