මෙල්බන් හි විශාල ගබඩාවක හටගත් ගින්න මේ වනවිට නිවා දමා තිබෙනවා.
අද උදෑසන 5 ට පමණ මෙම ගබඩාවේ ගින්න ඇති වූ අතර එය කිහිප වතාවක් පිපිරීමට ද ලක්ව ඇති බවයි ගිනි නිවිමේ කාර්යංශය කියාසිටියේ.
ඩ්‍රෝන යානා භාවිත කර විනාශ වූ ගබඩාවේ අභ්‍යන්තරය ගවේෂණය කරමින් ගින්නට හේතුව අනාවරණය කිරීමට යි ගිනි නිවන භටයින් මේ වනවිට උත්සහ කරමින් සිටින්නේ.
ඩූන් සයිඩ් වීදියේ ඇති මෙම දෙමහල් ගබඩාවේ ගින්න නිවීමට ගිනි භටයින් 80 කට වැඩි පිරිසක් එම ස්ථානයට ගිය බවයි එම කාර්යංශය පවසන්නේ.
මේ හේතුවෙන් බර්න්ලි වීදියේ කොටසක් ද වසා දමා තිබූ අතර මේ වනවිට එය යළි විවෘත කර තිබෙනවා.
විශාල ගින්නට හේතුව මෙතෙක් අනාවරණය වී නොමැති අතර ගින්න සැක සහිත ද නැත්ද යන්න තවමත් සොයාගෙන නොමැති බවයි මෙල්බන් පොලීසිය පවසන්නේ.
