ඔස්ට්‍රේලියාව පුරාම දුම්කොළ නිෂ්පාදන ක්ෂේත්‍රය පාදක කරගෙන සිදුවන අපරාධ ක්‍රියාකාරම්වල වර්ධනයක් පෙන්නුම් කෙරෙනවා.
වික්ටෝරියා ප්‍රාන්තය තුළ ප්‍රධාන වශයෙන් එවැනි අපරාධ ක්‍රියාකාරකම් නිරතුරුව සිදුවන බවටයි හදුනාගෙන ඇත්තේ.
පසුගිය මාස 18 ක කාලසීමාව තුළ නීති විරෝධී දුම්කොළ වෙළදපොළේ පාලනය ලබා ගැනීමට අපරාධකරුවන් උත්සහ කර තිබෙනවා.
ඒ හේතුවෙන් දුම්කොළ වෙළඳසැල් 200 ක් පමණ විනාශ වී ඇති බවටයි අනාවරණය වී ඇත්තේ.
ෆෙඩරල් රජය ඔස්ට්‍රේලියානුවන්ගේ දුම්පානය අවම කිරීම වෙනුවෙන් දුම් වැටි සදහා අධික බදු පැනවීමට පියවර ගනු ලැබුවා.
එහි ප්‍රතිඵලයක් ලෙස වසරකට ඩොලර් බිලියන 05 ක පමණ ආදායම් හිමි Black Market එකක් නිර්මාණය වී තිබෙන බවයි වාර්තා වන්නේ.
එම වෙළඳපොළ පදනම් කරගෙන ලාභ උපයන සංවිධානාත්මක අපරාධ කල්ලි මර්දනය කිරීම කිරීම සදහා විශේෂ සැලසුම් සකස් කළ යුතු බව ද වැඩිදුරටත් සදහන් වනවා.
