වික්ටෝරියා ප්‍රාන්තය පුරා පිහිටි කෝල්ස් වෙළදසැල්වල අලෙවි කළ ජනප්‍රිය දිවා අහාරයක් යළි කැදවීමට පියවර ගෙන තිබෙනවා.
ඒ ආසාත්මිකතා හේතුවෙන් බවයි වාර්තා වන්නේ.
මෙලෙස යළි කැදවීමට තීරණය කර ඇත්තේ Coles Kitchen Chicken and Salad Sandwich (194g) නම් දිවා ආහාර වර්ගයයි.
මේවා පෙබරවාරි 27 සහ 28 යන දෙදින තුළ ප්‍රාන්තය පුරා පිහිටි Coles වෙළදසැල්වලින් මිළදී ගැනීමට අවකාශය හිමි වී තිබුණු බවයි දැක්වෙන්නේ.
විශේෂයෙන් කිරි වර්ග හේතුවෙන් ආසත්මිකතා ඇතිවන පුද්ගලයන්ට මේවා ආහරයට ගැනීමෙන් සෞඛ්‍ය ගැටළු ඇතිවිය හැකි බවට අනතුරු අඟවා තිබෙනවා.
දකුණු මෙල්බන්, ග්ලෙන්ෆෙරී, කැම්බර්වෙල්, දකුණු බැල්වින්, ෆිට්ස්රෝයි, බ්‍රයිටන්, සෙන්ට් කිල්ඩා, ටෝරාක් ඇතුලු කලාපවල පිහිටි Coles සුපිරි වෙළදසැල්වල මෙම ආහාර වර්ගය අලෙවි කර තිබෙන බවයි දැක්වෙන්නේ.
ඔබත් මෙම නිෂ්පාදනය මිළදී ගත් පාරිභෝගිකයෙක් නම් ළගම පිහිටි Coles වෙළදසැලට ඒවා භාරදී නැවත මුදල් ලබාගන්න ලෙසට වෙළදසැල් පාලනාධිකාරිය පරිභෝගිකයන් වෙත දැනුම් දී තිබෙනවා.
