නිව් සවුත්වේල්ස් හි මහල් නිවාසවල සූර්ය බලශක්ති ස්ථාපනයට ඩොලර් මිලියන 25 ක් වෙන්කිරීමට රජය තීරණය කර තිබෙනවා.
එමගින් මහල් නිවාස හිමියන්ට වාර්ෂික විදුලි බිල්පතෙන් ඩොලර් 600 ක් ඉතිරි කර ගත හැකි බවයි අගමැති ඇන්තනී ඇල්බනීස් පවසන්නේ.
මැතිවරණ ප්‍රචාරණයක් අතරතුරදී ඇල්බනීස් කියාසිටියේ මෙම ව්‍යාපෘතිය මගින් ජනතාවගේ වියදම් අඩුවනවා මෙන්ම වායු විමෝචනයෙන් සිදුවන පරිසර හානිය ද අවම වන බවයි.
NSW නිවාස පහෙන් එකක් මහල් නිවාස වන නමුත් සූරිය බලශක්තිය ඇත්තේ ඉන් සියයට 3.5 ක පමණයි.
සිය රජය යටතේ ඔස්ට්‍රේලියාවේ පුනර්ජීවන බලශක්තිය සියයට 46 ක් නිපදවා ඇති බවද ඔස්ට්‍රේලියා අගමැතිවරයා වැඩිදුරටත් කියාසිටියා.
මෙහිදී විපක්ෂ නායක පීටර් ඩටන්ගේ ඩොලර් මිලියන 331 ක න්‍යෂ්ටික බලශක්ති සැලසුම ද ඇන්තනී ඇල්බනීස් විසින් විවේචනය කරනු ලැබුවා.
