ඉන්දීය ප්‍රිමියර් ලීග් තරගාවලියට සහභාගි වන ඕස්ට්‍රේලියානු ක්‍රීඩකයන් 04 දෙනෙකු පෞද්ගලික හේතූන් මත ඉන් ඉවත් වී සිය රට බලා යාමට තීරණය කර තිබෙනවා.
රෝයල් චැලෙන්ජර්ස් බැංගලොර් කණ්ඩායමේ ඇඩම් සම්පා සහ කේන් රිචඩ්සන් මෙන්ම රාජස්ථාන් රෝයල්ස් කණ්ඩායමේ ඇන්ඩෘ ටයි මෙලෙස අයි.පී.එල්. තරගාවලින් ඉවත් වන බව නිවේදනය කළා.
ඉන්දියාවේ සිට පැමිණෙන්නන්ට පර්ත් නුවර ඇතුළු බටහිර ඕස්ට්‍රේලියා ප්‍රාන්තය දැඩි සීමාවන් පැනවීම තමා එලෙස ඉවත්වීමට හේතුවක් ලෙස ඇන්ඩෘ ටයි පසුව කියා සිටියා.
කෙසේ නමුත් කොල්කටා නයිට්රයිඩර්ස් පිළ නියෝජනය කරන ඕස්ටේ්‍රලියානු ක්‍රීඩක පැට් කමින්ස් තරගාවලියේ තවදුරටත් රැදී සිටීමට තීරණය කළේ කොරෝනා ප්‍රතිකාර සඳහා ඔක්සිජන් සැපයීමේ අගමැති අරමුදලට ඇමරිකානු ඩොලර් 50,000ක් ද පරිත්‍යාග කරමින්.
මේ අතර, දිල්ලි කැපිටල්ස් කණ්ඩායමේ ඉන්දීය ක්‍රීඩක රවිචන්ද්‍රන් අශ්වින් ද තරගාවලියෙන් ඉවත්වීමත් සමඟ අයි.පී.එල්. සංවිධායකයන් නිවේදනයක් නිකුත් කරමින් ප්‍රකාශ කළේ කවුරුන් එලෙස නික්ම ගිය ද අයි.පී.එල්. තරගාවලිය ඒ ආකාරයෙන්ම පැවැත්වෙන බවයි.
