ඔස්ට්‍රේලියාවේ ස්ථිර පදිංචිය ඉල්ලා යොමු කර ඇති අයදුම්පත් කඩිනමින් සළකා බලන්නැයි ඉල්ලා ෆෙඩරල් රජයට බල කෙරෙන පෙත්සමට අත්සන් 5,500 කට ආසන්න සංඛ්‍යාවක් ලැබී තිබෙනවා.
දකුණු ආසියානු රටවලින් පැමිණි සංක්‍රමණිකයන් විසිනුයි මීට මුල පුරා ඇත්තේ.
ඔවුන් පෙන්වාදී ඇත්තේ පුහුණු ශ්‍රමික වීසා යටතේ ඔස්ට්‍රේලියාවට පැමිණි තමන්ට ස්ථිර පදිංචිය ලබාදීමට ස්වදේශ කටයුතු දෙපාර්තමේන්තුව ප්‍රමාණවත් උනන්දුවක් නොදක්වන බවයි.
අවසන් තීරණයක් නොලැබීම මත සිය අනාගතය සම්බන්ධයෙන් පවතින්නේ අපැහැදිලි වාතාවරණයක් බවටද පෙත්සම්කරුවන් චෝදනා කරනවා.
ස්වදේශ කටයුතු දෙපාර්තමේන්තු වාර්තා අනුව පසුගිය 2024 දෙසැම්බර් මාසය වනවිට සළකා බැලීමට ඉතිරිව තිබු ස්ථිර පදිංචි අයදුම්පත් ගණන 11,000 කට ආසන්නයි.
එහෙත් මාසයකදී සළකා බලා අවසන් වනුයේ ඉන් 300 ක් පමණක් බව ද සඳහන්.
මෙම පෙත්සමට නියමිත අත්සන් ලබාගැනීමෙන් පසු එය ෆෙඩරල් පාර්ලිමේන්තුවට ඉදිරිපත් කිරීමටයි පෙත්සම්කරුවන් සැළසුම් කර ඇත්තේ.
