ඔස්ට්‍රේලියාවේ පියයුරු පිළිකා මරණ අනුපාතය පහත වැටී ඇතැයි නවතම අධ්‍යයනයකින් හෙළිව තිබෙනවා.
කෙසේවෙතත් පියයුරු පිළිකා රෝගීන් ප්‍රමාණය ඔස්ට්‍රේලියාවේ මෙන්ම නවසීලන්තයේ ද ඉහළ අගයක් පවතින බවයි නව පර්යේෂණයේ දැක්වෙන්නේ.
කැනඩාවේ සිඩ්නි විශ්ව විද්‍යාලය, ක්වීන්ස්ලන්ඩ් විශ්ව විද්‍යාලය සහ ඇල්බටා සෞඛ්‍ය සේවා ආයතනය විසින් මෙම අධ්‍යයනය සිදුකර තිබෙනවා.
රටවල් 185 ක ගෝලීය පියයුරු පිළිකා සිදුවීම් සහ මරණ අනුපාත පිළිබඳව යි මෙහිදී සොයාගෙන ඇත්තේ.
ජාතික පිළිකා පදනම පැවසුවේ ඔස්ට්‍රේලියාවේ කාන්තාවන් 7 දෙනෙකුගෙන් එක් අයෙකු සහ පිරිමින් 556 දෙනෙකුගෙන් එක් අයෙකු පියයුරු පිළිකා සෑදීමේ අවදානමක සිටින බවයි.
ඒ අනුව පියයුරු පිළිකාවෙන් පෙළෙන බවට දිනකට අලුතින් හඳුනාගන්නා පුද්ගලයන් ගණන 58 කට ආසන්නයි.
ගෝලීය වශයෙන් ගත් කළ කාන්තාවන් විසි දෙනෙකුගෙන් එක් අයෙකු පියයුරු පිළිකාවෙන් පෙළෙන අතර 70 දෙනෙකුගෙන් එක් අයෙකු මෙම රෝගයෙන් මියයන බව විශ්ව විද්‍යාල අධ්‍යයන වාර්තාවේ දැක්වෙනවා.
