ජංගම දුරකථන සංඥා පහසුකම් තවත් පුලුල් කිරීමේ පොරොන්දුවක් ඔස්ට්‍රේලියා ලේබර් පක්ෂය ලබාදී තිබෙනවා.
ඉදිරි ෆෙඩරල් මැතිවරණය වෙනුවෙන් මෙම පොරොන්දුව දුන් බවයි ලේබර් පක්ෂ දේශපාලනඥයින් කියාසිටින්නේ.
දුරකථන සංඥා පද්ධතිය ස්ථාවරව නොමැති අවස්ථාවලදී කෙටි පණිවුඩ සහ හඬ පට මගින් තොරතුරු ලබාදිය හැකි වන පරිදි තාක්ෂණය දියුණු කිරීමයි ලේබර් පක්ෂයේ අපේක්ෂාව වන්නේ.
ඊට අදාලව දුරකථන සමාගම්වල සහය ඔවුන්ට ලැබෙන බවද ලේබර් පක්ෂය කියාසිටියා.
ජංගම දුරකථන සේවා සඳහා එම ප්‍රතිපත්තිය ලබාදෙන්නැයි විදුලි සංදේශ සමාගම් ෆෙඩරල් රජයෙන් මේ වනවිටත් ඉල්ලීම් කර තිබෙනවා.
නමුත් එම ගැටළුවට ලේබර් පක්ෂය පැහැදිලි පිළිතුරක් ලබාදී නොමැති බවයි දේශපාලන විශ්ලේෂකයින් පැවසුවේ.
4G සහ 5G ජාලයට සම්බන්ධ නොවන ඔස්ට්‍රේලියාවේ ඇතැම් ප්‍රදේශ වලදී හඬ සහ SMS මගින් පණිවුඩ යැවීමෙන් අඩු චන්ද්‍රිකා භාවිතයක් සිදුවන බවයි විදුලි සංදේශ සමාගම් අවධාරණය කළේ.
එමගින් මහජන ආරක්ෂාව වැඩිදියුණු වීම, ස්වභාවික ආපදා වලදී තොරතුරු දැනුම්දීමේ හැකියාව, අවම වියදමකින් ජාලය නොමැති ප්‍රදේශ ආවරණය කිරීමේ හැකියාව පවතින බවයි ඔස්ට්‍රේලියා සන්නිවේදන අමාත්‍ය මිෂෙල් රෝලන්ඩ් සඳහන් කරන්නේ.
