සිඩ්නි හි අර්ධ නාගරික ප්‍රදේශ 635 ක නිවාස මිළ ඉහළ යෑම සම්බන්ධයෙන් නවතම අනාවරණයක් සිදු කර තිබෙනවා.
මෙම අධ්‍යයනය සිදු කර ඇත්තේ Compare of The Market වෙබ් අඩවිය විසිනුයි.
ඒ අනුව ඩොලර් 1416 ක මධ්‍යන්‍ය සති වැටුපක් හිමි පුද්ගලයෙකුට එම ප්‍රදේශවලින් දැරිය හැකි මුදලකට නිවසක් මිළදී ගැනීමට හැකියාවක් නොමැති බවටයි එහිදී හදුනාගෙන ඇත්තේ.
එම ආදායම මත පදනම්ව ණයක් ලබා ගැනීම වෙනුවෙන් සියයට 30 ක පමණ මුදලක් වැය කිරීමට සිදුවන බවද සදහන්.
මේ අතර පුද්ගලයන් දෙදෙනෙකුට දැරිය හැකි මුදලකට නිවාස මිළදී ගත හැකි වන්නේ සිඩ්නි හි අර්ධ නාගරික ප්‍රදේශ 126 කදී පමණයි.
කෙසේ වෙතත් පසුගිය කාර්තුවට සාපේක්ෂව මෙවර මධ්‍යන්‍ය නිවාස මිල තරමක් පහත වැටී තිබෙනවා.
එය සටහන් වන්නේ ඩොලර් 1,474,032 ක් ලෙසයි.
පොලී අනුපත මිළ ගණන් පහත වැටීම ඉදිරියටත් සිදු වුවහොත් නිවාස මිල ඉහළ යෑමේ වැඩි අවදානමක් පවතින බව ද වැඩිදුරටත් සදහන්.
