වික්ටෝරියා ප්‍රාන්තයේ ප්‍රාදේශීය කලාපවල ජීවත්වන ගොවීන් සුළං බලාගාර පිළිබඳව විවිධ මතයන් දරනු ලබනවා.
ඒ අනුව සිය ගොවිපලවල් කේන්ද්‍ර කරගෙන ටර්බයින ස්ථාපිත කිරීමට ඇතැම් ගොවීන් විරුද්ධ වන බවටයි තොරතුරු වාර්තා වන්නේ.
කෙසේ වෙතත් එම ක්‍රියාවලිය සදහා සමහර ගොවීන් අකමැත්තක් නොදක්වන බව ද සදහන්.
මේ හේතුවේ ප්‍රාන්තය තුළ ජීවත් වන ප්‍රාදේශීය ප්‍රජාවන් තුළ අසමගියක් නිර්මාණය වීම ද සිදු වනවා.
වික්ටෝරියා ප්‍රාන්තය පුරා මේ වනවිට සුළං බලාගාර 39 ක් පමණ ක්‍රියාත්මක වන බවයි හදුනාගෙන ඇත්තේ.
ඉන් බලාගාර 08 ක් තවමත් ඉදිකිරීම් මට්ටමේ පවතිනවා.
තවත් බලාගාර 07 ක් තවමත් සැලසුම් මට්ටම පවතින බව ද සදහන්.
2030 වර්ෂය වනවිට ඔස්ට්‍රේලියානු බලශක්ති නිෂ්පාදනයෙන් සියයට 82 ක් පමණ පුනර්ජනනීය බලශක්ති ප්‍රභවයන්ගෙන් ලබාගැනීම සදහා ජාතික ප්‍රතිපත්තියක් සකස් කොට තිබෙනවා.
ඒ හේතුවෙන් ප්‍රාදේශීය ප්‍රජාවන් තුළ පවතින ගැටළුකාරී තත්වයන් හදුනාගෙන ඒවාට විසදුම් සෙවීමට බලධාරීන් විසින් කටයුතු කළ යුතු බව ද වැඩිදුරටත් සදහන්.
