වික්ටෝරියා ප්‍රාන්ත රජය විසින් මෙල්බන් අවට පිහිටි අර්ධ නාගරික ප්‍රදේශ කේන්ද්‍ර කරගෙන නව නිවාස යෝජනා ක්‍රමයක් සැලසුම් කර තිබෙනවා.
එහිදී තට්ටු 10 ක පමණ උසකින් යුත් නව මහල් නිවාස ඉදිකිරීමටයි යෝජනා වී ඇත්තේ.
අදාළ ව්‍යාපෘතිය සදහා තෝරාගෙන ඇති ප්‍රදේශ අතරට Broadmeadows, Epping, Niddrie, North Essendon, Preston, Ringwood, Camberwell, Frankston, Moorabbin සහ Chadstone ඇතුලත්.
2051 වනවිට මෙල්බන් අවට අර්ධ නාගරික ප්‍රදේශ රැසක නව නිවාස 60,000 ක් පමණ ඉදිකිරීමේ අරමුණින් මෙම ව්‍යාපෘතිය ප්‍රාන්ත රජය ක්‍රියාත්මක කිරීමට අපේක්ෂා කෙරෙනවා.
එහිදී ඉහත දැක්වූ ප්‍රදේශවල වැඩි වශයෙන් නිවාස ඉදි කිරීමටයි ප්‍රාන්ත රජයේ සැලසුම වී ඇත්තේ.
ප්‍රාන්ත රජය වැඩිදුරටත් සදහන් කළේ 10,000 කට අධික පිරිසක් සමඟ සිදු කළ ප්‍රජා උපදේශන සාකච්ඡා වට කිහිපයකින් පසුව මෙම නිවාස යෝජනා ක්‍රමයේ මූලික සැලසුම් යාවත්කාලීන කළ බවයි.
